FRIDDO
'O friddo, stu friddo,
che sento 'int''e vvene
che gela sti ccarne
che tremma 'int''o core
me porta l'affanno
d''o mmale d''o munno
cchiù funno d''o funno
cchiù amaro d''o chianto.
Nu poco e calore
purtarria 'o sereno
na smania d'ammore
ca invece nun vene
...e 'o friddo me pogna
cchiù acuto 'e na freva
stu ghiaccio è tagliente
che taglia e cammina.
'O sanghe malato,
'o ppane stentato,
na mano ch'accide,
na voce 'e dannate.
Stu friddo è pussente,
me pare n'inferno
sta vita ca è niente,
però nun è vierno!
Luciano Somma
da LA POESIA E' UNA STRADA IN SALITA
Antologia- Premio Città di Caserta 1995
Velardi Editrice
http://www.partecipiamo.it/Poesie/Luciano_Somma/1.htm
http://artista.ilcannocchiale.it
__,_._,___
