Una poesia che ho scritto circa trent’anni fa e che purtroppo è ancora attuale !

 Spero , ed è questo il mio più fervido augurio , che per il 2008 e gli anni che seguiranno possa essere superata.

                                    

Assalte a mano armata , rapimiente,
furto cu’ scasso…chesta si ch’è guerra !
S’accide a uno comme fosse niente
No ,nun ce stà cchiù pace ‘ncopp’’a terra .

Gesù muriste tu a trentatreanne
Ma che crediste ‘e fa , povero Cristo ,
comm’è pesante ‘a Croce che purtammo
e ogne juorno è sempe assaje cchiù triste .

Napule mia pe’ chisti delinquenti
Te staje aggravanno < la reputazione>
Ccà arrobbano ‘e perucchie d’’e pezziente
E se fanno c’’o sanghe ‘a cummunione .

‘Stu  popolo , già tanto maltrattato ,
ogne mumento assiste a stu calvario
sotto a nu sole pallido e malato
aspetta che s’acalarrà ‘o sipario .

Ma intanto campa dint’’a sufferenza
Cu’’a famma appuntunata ‘mmocca a’ porta
Speranno ‘int’’a divina pruvvidenza
Ca se fermasse sta ventata ‘e morte !

                      
                                                LUCIANO SOMMA

Molto struggente caro Luciano ... e speriamo che in futuro le cose vadano meglio per noi e per questa nostra terra tanto bella e tanto martoriata!!!